Yaxın Şərqin turist məkanları arasında parlayan ulduz olan Qətəri kəşf etməyə hazırlaşın! Bu ölkə fantastik çimərliklərdə tətil imkanları və əvəzolunmaz əyləncəli təklifləri ilə ailələri və gənc səyahətçiləri özünə cəlb edir. AZAL-ın yeni səyahət proqramı sayəsində siz artıq uyğun qiymətlərlə ən yüksək keyfiyyətli xidmətlə lüks səyahətlər edə bilərsiniz.
Qətər dünyanın ən təhlükəsiz 10 ölkəsi siyahısında yer alır və Azərbaycan vətəndaşları buraya heç bir viza tələbi olmadan səfər edə bilərlər. Bundan əlavə öz tərzləri ilə seçilən dünya səyahətçiləri üçün yeni xəbərimiz var! 10 dekabr 2023-cü il tarixində “Rustar” şirkətlər qrupuna məxsus “Kazunion Touroperator Azerbaijan” AZAL ilə əməkdaşlıq çərçivəsində Bakıdan Dohaya birbaşa reyslə uçuş həyata keçirib. Bu əhəmiyyətli əməkdaşlıq, turistlər üçün maksimum rahatlıq və vaxta qənaət baxımından vacib bir üstünlükdür.
“Kazunion Touroperator” 2009-cu ildən bəri turizm sektorunun vacib şirkətlərindən olan “Rustar” şirkətlər qrupunun bir hissəsidir. Bu şirkət, BƏƏ, Qətər, Azərbaycan, Gürcüstan, Maldiv adaları, Antalya, İstanbul, Qazaxıstan və Seyşel adaları kimi bölgələr daxil olmaqla bir sıra müxtəlif regionlarda aparıcı turizm şirkəti kimi fəaliyyət göstərir.
“Kazunion Touroperator Azerbaijan by Rustar”ın Bakı ofisi 2023-cü ilin may ayında yaradılmış, ən müasir səyahət yeniliklərini tətbiq edən şirkətdir. Bundan əvvəl bu şirkətin Qazaxıstan, Özbəkistan, Rusiya və Qırğızıstanda fəaliyyət göstərən ofisləri mövcud idi. Dekabrın əvvəlində AZAL təyyarələrinin Qətərə ilk çarter reysinin açılması ilə əhəmiyyətli bir yol qət edilmiş oldu. Səyahətçilər Qətərə olduqca sərfəli qiymətlərlə, adambaşına 548 AZN-dən (iki nəfərlik yer əsasında) başlayan qiymətlərlə səyahət edə bilərlər. Bu ümumi qiymətə aviabilet, oteldə yerləşmə, səhər yeməyi, qrup transferləri və səyahət sığortası daxildir. Qətərə olan tur paketləri ilə bağlı maraqlı təklifləri Bakının istənilən turizm agentliyindən əldə etmək mümkündür. Qətərin əvəzolunmaz gözəllikləri ilə tanış olmaq və lüks bir səyahəti təcrübə etməyin vaxtıdır.
Dohanın hər kəs üçün ən yüksək səviyyəli şərait təklif edən lüks otellərini, parlaq və baxımlı çimərlikləri kəşf edin. Ən yüksək səviyyəli xidmət, ləzzətli restoranlar, üzgüçülük hovuzları, rahatladıcı spalar və eksklüziv fitness klubları – bunların hamısını münasib qiymətlərlə əldə etməyiniz mümkündür.
Qətərdəki ictimai çimərliklər yüksək standartlara sahib olmaqla bərabər, ailəvi istirahətlər üçün mükəmməldir, bu da öz növbəsində müxtəlif turistlər üçün buranı səyahət üçün daha da cazibədar edir.
Qətər əyləncəli ailəvi istirahətlər üçün əsl cənnətdir, belə ki, Dohadakı otellərdə uşaqlar üçün hər cür şərait var: uşaq klubları, oyun meydançaları, üzgüçülük hovuzları və müxtəlif maarifləndirici oyunlarla uşaqların vaxtını səmərəli keçirməsini təmin edə bilərsiniz. Amma əyləncə yalnız bununla bitmir! Otellərdən savayı, uşaqlar burada dünyadakı ilk əyləncə parkı, “Angry Birds World” və ya “Snow Dunes” qar parkı kimi məkanlarda həyəcanverici əyləncələr və macəralardan sonsuz həzz ala bilərlər.
Bundan əlavə, Dohanın şəhər çimərlikləri, çimərlik klubları ilə birlikdə ailələrə uyğun xüsusi bir təcrübə təklif edir. Fevral ayında daş-qaş sərgisi və Ərəb atı sərgisi daxil olmaqla qarşıdan gələn hadisələri nəzərdən qaçırmayın. Həmçinin, yanvar ayında başlayacaq coşğun alış-veriş festivalı üçün təqviminizi də hazırlayın!
Dohada siz hündür səhra təpələrini və “UNESCO”nun siyahısına daxil olan, Xor əl-Adaiddə yerləşən qeyri-adi "daxili dənizi" kəşf edə, həmçinin, Səudiyyə Ərəbistanı sərhədi yaxınlığında qızılı səhra qumlarının üzərində yerləşən təbiət möcüzələri arasında həyəcanverici cip səyahətləri həyata keçirə bilərsiniz. Ölkənin ərazisinin kiçik olması səbəbilə ekskursiyalar maksimum 1,5 saat davam edir, bu da onları uşaqlı ailələr üçün yorucu olmayan ideal bir səyahətə çevirir.
Qətər sadəcə bir tətil yeri deyil, həm də zəngin tarixə malik bir məkandır. Tanınmış memar İeoh Ming Pei tərəfindən hazırlanmış İslam İncəsənəti Muzeyi dünyanın müxtəlif yerlərindən fərqli eksponat nümunələri kolleksiyasını nümayiş etdirir. Bu ölkəyə səfər etdikdə memarlıq abidələri ilə bərabər, zəngin mədəniyyət ilə tanış olmaq üçün də şans yaranır.
Qətərdə hər bir turist özünəməxsus bir şey kəşf edərək müxtəlif təcrübələr yaşayır, bu həm tarixlə, həm memarlıq möcüzələri ilə, həm müxtəlif muzeylərlə, həm də həyəcanverici səhra macəraları ilə bağlı ola bilər. İnanılmaz təcrübələr və unudulmaz xatirələrlə dolu vaxt keçirmək üçün Qətərə səyahət edin!
