Jewellery L'AHIJ
DJ-lərin əhvalıma belə təsir edə biləcəyini heç düşünməzdim. Uşaqlıqdan bəri həmişə rəqs etməyi sevmişəm, çünki bu mənim xilasım, ehtirasım və həyatımın bir hissəsi idi. Harada olursa olum, rəqssiz bir günümü təsəvvür edə bilmirəm: klubda, evdə güzgü qarşısında, rəqs məktəbində və ya yığıncaqlarda. Rəqs edəndə ətrafımdakı insanları, qayğılarımı, düşüncələrimi unuduram – hisslərimi sadəcə ritmin axarına buraxıram. Bədənimin kontrolunu itirirəm. Rəqs edəndə hər şeyi buraxıram və əsl sehr o zaman baş verir. İki saatlıq yaxşı rəqsdən sonra bütün problemlərin həllini tapa bilirəm. Bunun mümkün olub-olmadığından əmin deyiləm, amma bu belədir. Odur ki, DJ-lər həyatıma böyük təsir göstərir : )
Yaxşı zövqə və insanlarla emosional əlaqəyə malik DJ dinləyiciləri əvvəllər eşitmədikləri yeni ifaçılar kəşf etməyə və bir-biri ilə ahəngini təsəvvür belə etmədikləri fərqli ritmləri öyrənməyə vadar edir. Gözəl musiqi - gündəlik həyatın təlaşından uzaqlaşmaq üçün hamımızın axtardığı şeydir.
Hər kəs DJ ola bilər, amma yaxşılardan olmaq üçün çoxlu məşq etmək lazımdır. Musiqiləri ard-arda səsləndirmək vacib deyil, həm də zamana, məkana və tamaşaçıları rəqs etməyə ilhamlandırmaq üçün onların ümumi əhval-ruhiyyəsinə uyğun olmasını seçmək lazımdır.
İdeal DJ-lər öz intuisiyalarına güvənirlər və yalnız təxmini trek siyahısını hazırlayırlar, və əgər nəsə yolunda getməsə, onlar vəziyyətdən o qədər məharətlə çıxacaqlar ki, biz (xoşbəxtlik axtaran insanlar) bunu dərk etməyəcəyik və hələ də musiqinin və bədənimizin sehrində rəqs edəcəyik.
Mən həmişə düşünmüşəm ki, aşpaz, bağban və DJ kimi peşələrə daha çox dəyər verilməlidir. Gül dükanından, restorandan və ya klubdan ayrılmadan əvvəl hamımız bizə xoşbəxtlik bəxş etdikləri üçün bu sehrbazlara təşəkkür etməliyik. Onlar xoşbəxt emosiyalar bəxş edirlər; kim onlardan güclü ola bilər?
Ülviyyə Mahmud,
Baş redaktor
