Payızın son ayı ədalətli olaraq qəzəb, cansız və yaradıcı olmayan hər şeyi məhv edən transformasiya daşıyır. Noyabr ayına məhvdən yaradan, təbiətin qeyri-mütəşəkkil qüvvəsinin və insan psixikasının ən dərin sirlər planeti olan Pluton himayədarlıq edir. Fürsətlərin hüdudlarını genişləndirərək və aktiv dəyişiklik festivalını başladaraq geridə qalmış planetlərin daxili işləri sona çatdı. Əqrəb bürcündə toplanan planetlər Buğa bürcündə Urana qarşı müxalifət yaradır – bu hadisə noyabrın 19-da Ayın tam tutulması ilə müşayiət olunacaq. Ay tutulmaları hər zaman məhvedici deyil: bəzən onlar yoluna qoymaq üçün fürsət yaradaraq köhnə, həll olunmamış problemləri qaldırırlar. Noyabr ayı Buğa, Əqrəb, Şir və Dolça bürclərinin ilk dekadasında doğulanları bir sıra çətinliklərinə cəlb edərək daha bir ay tutulması dəhlizi açacaq (növbəti tam günəş tutulması dekabrın 4-də olacaq. Ay sonu həm də Oxatan, Əkizlər, Balıqlar və Qız bürclərini son üç ili yekunlaşdırmağa yönəldərək onlara həll olunmamış problemlərini və yarımçıq qalan işlərini xatırladacaq. Buğa bürcü altında baş verən Ay tutulması bizi maddi dünya ilə münasibətlərimizi nizama salmağa məcbur edərək bir sıra maliyyə problemləri ilə üzləşdirəcək. Bu dövrdə borcları ödəmək, müvəqqəti götürdüyümüz əşyaları qaytarmaq və ən əsası – bir daha borc almamaq yaxşı olardı. Tutulmalar dəhlizi dövründə maliyyə vəziyyətinizi pisləşdirməmək üçün böyük maliyyə əməliyyatları, alış-verişlər, investisiyalar etmək məsləhət görülmür.
QOÇLAR öz sağlamlıqlarına qarşı daha diqqətli olmalıdırlar, sonradan uzun sürən və xroniki xəstəliklərdən əziyyət çəkməmək üçün yüngül naxoşluğa belə əhəmiyyət vermələri yaxşı olardı. Dəyər sisteminiz yenidən gözdən keçirilməli və korreksiya edilməlidir, məhdudlaşdırıcı qaydalardan qurtulmağın tam vaxtıdır. Daşınmaz əmlak almaq və maliyyə əməliyyatları etmək tövsiyə edilmir.
Ay tutulması BUĞA bürcündən köhnə inciklikləri və təxirə salınmış işləri silkələyib atacaq. Emosional fonunuz sarsıntı keçirəcək və nöqsanlarınızı üzə çıxaracaq. Stress sağlamlığınıza təsir edə bilər, buna görə də göz qabağında olanlara inadla göz yumaraq problemlərin üstündən keçməməyə çalışın. İstirahət edin, fasilə verin. Əgər bunu uzun müddət təxirə salmısınızsa, özünüzlə məşğul olmağın tam vaxtıdır.
XƏRÇƏNGİN planları və xəyalları böyük dəyişikliklərə məruz qala bilər, bu isə çaşqınlığa və qarışıqlığa səbəb olacaq. Taleyin sükanını buraxmağa və diqqətinizi işinizə cəmləməyə çalışın – məsuliyyət hissi sizi fırtına zamanı göyərtədə qalmağa və cəsarətlə dalğalara təslim olmağa kömək edəcək. Həmçinin köhnə yaraları müalicə etməyiniz və ümumiyyətlə sağlamlığınızın qeydinə qalmağınız yaxşı olar.
ŞİRLƏR üçün noyabr ayı rəhbərliklə münasibətləri aydınlaşdırmaq üçün yaxşı vaxt deyil. Çoxdan gözlənilən karyera dəyişiklikləri heç də gözlədiyiniz kimi olmaya bilər. Bunun əvəzinə, Şirin əsas vəzifəsini – Səxavətli və İşıqsaçan olmasını xatırlayaraq ambisiyalarınızı yenidən nəzərdən keçirməlisiniz. Yaradıcılıq coşğunluğu özünü ifadə etmək üçün yeni perspektivlər açacaq. Bütün yaraların sağalmasına yaxınlarınızın sarılması kömək edəcək.
QIZ bürcünün uzun səfərlərə çıxması arzuolunmazdır: yolda çətinliklərlə qarşılaşa bilərsiniz, xaricdəki əlaqələr və ya xəbərlər sizin üçün gözlənilməz ola və baş verənləri fəlsəfi qarşılamağa sövq edə bilər. Mənəviyyat yolu sizin üçün fərqli bir dünyaya qapı açacaq, bu da mənəvi təzahürünüzə kömək edəcək. Evdə olmağınız qayğı və dəstəyinizə ehtiyacı olan yaşlı ailə üzvlərinizi sevindirəcək.
TƏRƏZİNİN bir gözündə şüuraltı və mistik təcrübənin sirlərinin açılması var, bu onları taleyi ilə bağlı fikirlərini yenidən nəzərdən keçirməyə sövq edəcək. Digər gözündə isə itki yolu və həyatın fani olduğunu dərk etmək var. Hər halda, üfüqlərinizi genişləndirmək və bu dünyada yeriniz haqqında yeni, dərin biliklər əldə etmək sizə qarşıdan gələn dəyişikliklərin öhdəsindən gəlməyə kömək edəcək.
ƏQRƏBLƏRİN bütün dünyaya müharibə elan etməsi çox pis nəticələnə bilər - onların təkəbbürü uğursuzluğa düçar olacaq. Əgər məntiqə uyğun kompromislər axtarmağa başlamasanız, o zaman anlayış görməyəcəksiniz. Bunun əvəzinə şəxsi və sosial həyatda qarşıdan gələn sarsıntılara öz səhvlərimizin prizmasından baxmaq daha yaxşıdır. Uzun sürən münaqişələr sağlamlığa zərərlidir, buna görə də səbrli olmaq yaxşıdır.
OXATANLARIN noyabrda işi çox olacaq və əgər vicdanla yerinə yetirməsələr, çox şeyi yenidən etməli olacaqlar, bu da olduqca çoxlu səy, vaxt və məsuliyyət tələb edəcək. Məsuliyyətlərinizə düzgün münasibət göstərin. Filosofluq etmək və ağıl öyrətmək vaxtı deyil, ayın sonunda səbrinizin və zəhmətinizin qarşılığını mütləq alacaqsınız. Partnyorluq münasibətləri də diqqət və güzəşt tələb edəcək.
OĞLAQLAR vaxtlarını və enerjilərini hər zamankindən daha çox ehtiyacı olan yaxınlarının problemlərinin həllinə sərf etməli olacaqlar. Onlara asketizm və tənhalıq kömək edəcək, payızın sonu isə dərin bilik qutusunu açaraq sizi dəyişdirəcək. Nə qədər müqavimət göstərməsəniz, dünyagörüşünün dəyişməsi o qədər ağrısız keçəcək.
DOLÇALAR dəyərli vaxtlarının çoxunu ailə işlərinə sərf edəcəklər. Bu sizin xoşunuza gəlməsə də, karmik borcların yığılıb qalmaması üçün indidən yaxınlarınızın qayğısına qalsanız, yaxşı olar. Ayın sonunda yeni dəyişikliklər və yeni başlanğıclar küləyi əsəcək, dostlarınız və yaxınlarınız isə mütləq sizi dəstəkləyəcək və əyləndirəcəklər.
BALIQLAR uzun sürən səfərlərə çıxmamalıdır. Ailənizə və ev heyvanlarınıza daha çox diqqət yetirin, onların sizin qayğınıza ehtiyacı var. Tələbələr öz biliklərini təkmilləşdirmək üçün çox çalışmalı olacaqlar. Noyabrın sonu rəhbərliklə münasibətləri gərginləşdirə və karyera planlarını yenidən gözdən keçirməyə məcbur edə bilər. Qorxulu işə girişməyin.
