May ayı – Venera planetinin idarə etdiyi aydır. Astrologiyada Venera – hisslərimizin və istəklərimizin, sevgimizin və zövqlərimizin sahibidir, sənət və yaradıcılığın himayəçisidir. Venera may ayı boyunca təmas və ünsiyyət vasitəsi ilə hisslərimizi formalaşdıraraq Əkizlər bürcü işarəsi altında yerləşəcək. Eşidilmək, yeni şeylər öyrənmək, nəyisə müzakirə etmək istəyi – bütün bunlar may ayında intellektual və çoxyönlü insanları cəlb edərək üstünlük təşkil edəcək. Səyahətə can atmaq, yeni təəssüratlar əldə etmək incə gözəllik hissi bəxş edərək zövqümüzü formalaşdıracaq. Ancaq may ayının ortalarında Venera tam ay yarımlıq köhnə hərəkətinə qayıdacaq, bu da maliyyə çətinlikləri və yaxınlarımızla konflikt yaradaraq bütün planlarımızı poza bilər. Anlaşılmazlıqların qarşısını almaq, sevgi və rifah enerjisini itirməmək üçün bu ay rəsmi tədbirlər (evlilik, nişan) keçirməməyi tövsiyə edirəm. May ayının ikinci yarısında da böyük maliyyə əməliyyatları, əmlak alışı, kapital qoyuluşları və həddən artıq bahalı alış-verişlər arzuolunmazdır. İmtahan verənlər üçün asan olmayacaq. Səfər və səyahətlər yaz ortalarına qədər təxirə salınmalıdır.
Venera, ayın ilk yarısında QOÇLARA yaxınlarının sevgisini və uğurlu səfərlər bəxş edəcək. Həm dünyadakı, həm də ruhunuzdakı gözəlliyi daha yaxşı hiss etmək üçün ikinci dərəcəli məsələlərdən uzaqlaşmağa çalışın. Mayın ikinci yarısı, əksinə, ailənizə qarşı qıcıqlanma enerjisini oyadacaq və səfərlərdə narahat vəziyyətlər yaradacaq. Düşüncəsiz xərclərdən çəkinməyə çalışın.
Veneranın sevimlisi olan BUĞALARA bütün vacib maliyyə əməliyyatları ilk on gündə həyata keçirməyi məsləhət görülür. Səhhəti gücləndirmək və israfçılıqdan çəkinmək yaxşı olardı. Ayın sonunda yeni bir biznesə və ya daşınmaz əmlak əməliyyatlarına başlamaq qərarına gəlsəniz, maliyyə itkiləri ilə üzləşə bilərsiniz. Ürəyinizə yatan yaradıcılıq ilə məşğul olmaq daha yaxşıdır.
Venera ƏKİZLƏRƏ cazibədarlıq və xüsusi xarizma bəxş edəcək, bu da onların şəxsi həyatına səmərəli təsir göstərəcək və yaxınlarını sevindirəcək. Ancaq daimi tərəfdaşların etibarını itirməyi riskə atmamaq üçün hissləri dağıtmağa və sağa-sola flirt etməyə dəyməz. Əgər təhsildə səylə və düşüncəli hərəkət etsəniz, o zaman Veneranın himayəsi sizi ayın sonunda tərk etməyəcək.
XƏRÇƏNGLƏRƏ Venera yüksək, romantik sevgi, şəfqət və harmoniya vəd edir. Qarşılıqlı cazibədən və harmoniyadan zövq almaq üçün hisslərinizi ifadə etməyə çalışın. Lakin, Veneranın mərhəmətini itirməmək üçün, yeni münasibətləri nümayiş etdirməyə dəyməz, hisslərinizi gözə gətirməmək üçün qoruyun.
ŞİRLƏRƏ, xüsusilə, yaradıcı şəxsiyyətlərə, Venera tanınma və ətraf mühitlə harmonik münasibətlər bəxş edəcək. Qohumlarınızın və dostlarınızın dəstəyi təmin olunub, ancaq boş əyləncələr və uğursuz seçilmiş dost dairəsi sizin nüfuzunuzu xeyli aşağı sala bilər və sizi fəth etdiyiniz zirvədən ata bilər. Təmkinli və təvazökar, xoşbəxt və ağıllı olun.
Venera QIZLARA möhkəm ictimai mövqe tutmağa və hətta nüfuzlu insanlarla sevgi və dostluq yaşamağa kömək edəcək. Əgər Veneranın – sevgi mənfəətsiz olmalıdır – əsas prinsipini pozaraq mənfəət məqsədli istifadə etsəniz bütün bunlar olduqca sarsıntılı ola bilər! Xüsusilə sevdiklərinizlə xəsislik və xırdaçılıq etməyin.
Venera ƏQRƏBLƏRƏ ekstremal vəziyyətdə qarşılaşacaqları həssas, ehtiraslı roman, böyük sevgi bəxş edəcək; çox şey qazana, amma əsas şeyi itirə bilərsiniz. Xüsusən, may ayının ortalarında böyük alış-verişlər tövsiyə edilmir: bu gələcəkdə maliyyə itkilərinə gətirib çıxara bilər.
Venera OĞLAQLARI dəstəkləyərək və tamamilə adi şəkildə – maliyyə baxımından motivasiya edərək işdə, əməkdaşlarla harmoniya tapmağa kömək edəcək. Bu müddət münaqişələrin həlli və ictimai kompromislər üçün yaxşıdır. Profilaktika ilə məşğul olmaq, bədəni və ruhu gücləndirmək yaxşı olar; lazımı qədər fiziki fəaliyyət sizə yalnız faydalı olacaq.
TƏRƏZİLƏRƏ hisslərin yenilənməsi vətəndən kənarda – səfərlərdə və səyahətlərdə gözlənilir, hətta romantik sərgüzəştlərin olması ehtimalı da var. Ancaq xəyal qurmağa tələsməyin: yalnız yaradıcı və mənəvi birlik davam edə biləcək, qalanları isə yalnız xəyal qırıqlığı və kədərlə qarşılaşacaq. Sənət və fəlsəfə sevgisi həssas potensialınızı həyata keçirməyə kömək edəcək.
Venera OXATANLARA hisslərin yenilənməsini bəxş edərək evlilik lütf edəcək. Tənhalara uzunmüddətli əlaqələr qurmaq nəsib ola bilər, ancaq yalnız ayın ilk on günündə. May ayının ikinci yarısı hüquqi məsələlərdə mübahisələrə səbəb ola bilər, sevgi sirlərini və sevdikləri tərəfindən anlaşılmazlığı üzə çıxara bilər.
Venera DOLÇALARA qəfil emosional partlayış, romantik sevgi bəxş edəcək. Sevgini davamlı yaradıcılıqla qorxutmamaq üçün həddindən artıq ekstravaqantlığı azaltmağa çalışın. Sizin xarakterinizə buludlarda gəzmək xasdır, sevdiyiniz insan isə sizdən hisslərinizi sübut edən, qayğı və hətta səxavətliliyinizi göstərən konkret hərəkətlər gözləyə bilər.
BALIQLARA Venera yaxınları ilə güclü duyğusal əlaqə və yuva istiliyini bəxş edəcək. Yaxınlarınızla və sevdiklərinizlə münasibətlərdə passiv istehlakçı olmaqdansa, valideynləri və yaxınlarını dəstəkləmək üçün təşəbbüs göstərmək daha yaxşı olardı: sizin istənilən formada qayğınız tam vaxtında və yerində olacaq. Yalnız ayın ilk on günündə uğurlu əmlak əldə etmək ehtimalı var. — N
