Mənim adım Camilədir (jvmilya), 28 yaşım var. Son doqquz ildir ki, moda sənayesində çalışıram və arzuladığım karyeranı qurmuşam. Mənim baxış bucağım və fərdi tərzim məni bu sahədə fərqləndirir və unikal edir. İlhamımı tez-tez Nyu-York, Paris və Milan Moda Həftələrində iştirak etdiyim dizaynerlərin nümayişlərindən alıram.
Don L’ARC COLLECTION
Zaman keçdikcə öz moda brendimi yaratdım və böyük sevinc hissi ilə əsərlərimin dünyanın müxtəlif yerlərində alıcı tapmasını izlədim. Xüsusilə qürur duyuram ki, brendim Nyu-Yorkun Times Square meydanında billboardlarda yer alan ilk Azərbaycan markası olub!
Don MISHA, çanta DANIA SHINKAR
Bu yolculuq mənə moda dünyasından ilhamverici insanlarla tanışmaq, mühüm tədbirlərdə iştirak etmək və təkcə Bakıda deyil, həm də xaricdə möhtəşəm yerləri ziyarət etmək imkanı verdi. Siyahımdakı daha bir arzum gerçək oldu — sevimli şəhərimdə özümü televiziya ekranlarında və böyük bilbordlarda görəndə.
 |
 |
Tam obraz Vintaj
Don L’ARC COLLECTION
Məni tanıdan şəxsi üslubumu formalaşdırmışam və buna görə çox minnətdaram — çünki karyeramın əvvəlində məhz bunun xəyalını qururdum. Üslubum müxtəlif ola bilər: bəzən sadə, amma zərif və incə minimalistik görünüşləri seçirəm.
Don MICAS, çanta DANIA SHINKAR
Bəzən parlaq daşlarla bəzədilmiş, cəlbedici və cəsarətli geyimlər seçirəm. Amma hər iki halda da bu üslublar mənim fərdiyyətimi ifadə edir. Tez-tez səyahət edir, ilham alır və kontent yaradıram. Eyni zamanda iki möhtəşəm oğulun qürurlu anasıyam və hər zaman karyeramla ailə həyatım arasında tarazlıq tapmağa çalışıram.
