Ah, “TikTok”un möcuzəsi! Bu sosial şəbəkə bizə yeni tendensiyalar gətirməyə davam edir, bununla da biz təmiz qız estetikası əldə etdikdə bunu həmin an bölüşə bilirik. Yaxşı, bəs indi trend nədir? Əslində, mənim fikrimcə, hər şey öz tərzini yaratmaqdan ibarətdir. Amma “TikTok”dan soruşsanız, “Mob Wife” estetikasını özündə cəmləşdirməyin vaxtıdır!
Beləliklə, “Mob Wife” estetikası nədir?
Bu sirrli toxunuş və zərifliyin qarışığıdır. Tünd qırmızı və qara kimi tünd, bir o qədər də zəngin rəngləri təsəvvür edin. Siz həmçinin bu mövzuda “The Sopranos” serialındakı orijinal “Mob Wife” qadınları olan Karmela Soprano və Adriana La Servadan da ilhamlana bilərsiniz.
Saç
Bildiyiniz ən böyük rulonları düşünün və onu ikiyə qatlayın, məhz bu cür həcmli saçlar qış enerjisi verir! Valideynlərinizin 90-cı illərdə çəkilmiş şəkillərindəki fərqli saç modellərini xatırlayın. Hal-hazırda o saç modelləri çox çılğınca görünür, elə deyilmi?
Makiyaj
Dumanlı gözlər, həcmli dodaqlar və ya tünd qırmızı “femme fatale” görüntüsünü əldə edin. “Mob Wife” qış estetikasını əldə etməyin açarı mükəmməllik anlayışınızı bir kənara atmaqdır. Ən yaxşı variant qarmaqarışıq, dağınıq bir görüntü əldə etmək ola bilər. Və bu arada, hansı trendin geri döndüyünü bilirsiniz? İncə qaşlar!
“Mob Wife” olmaq təkcə makiyaj və ya modadan ibarət deyil; bu, bütöv bir enerji, həmçinin düşüncə tərzinizdə etdiyiniz dəyişikliklərdir. Bu, öz həyatınıza sahib çıxmaq, özünüz özünüzün idarəçiniz olmaqdan ibarətdir. Sizin hər şeyə münasibətiniz rahat bir şəkildə, özünü dərk etmiş, məşğul bir halda olmalıdır. Həmçinin, sizə qarşı edilən mühakimələr və ya istənməyən fikirlərə əhəmiyyət verməməlisiniz.
Üç sözlə?
Kəskin makiyaj, həcmli saçlar, heç bir şeydən narahatlıq duymayan rəhbər.
