Roma, 5 mart 2026-cı il — Bvlgari brendi Ceyk Cillenholun brendin qlobal səfiri təyin olunduğunu məmnuniyyətlə elan edir.
Dünya şöhrətli aktyor, prodüser və müasir mədəniyyətin diqqətəlayiq simalarından biri olan Ceyk Cillenhol bədii dərinliyin, intellektual marağın və insani səmimiyyətin nadir vəhdətini təcəssüm etdirir.
Cəsarətli seçimləri və intellektual bütövlüyü ilə seçilən dinamik karyerası boyunca Ceyk Cillenhol dərinliyi və mədəni təsiri ilə yüksək qiymətləndirilən təsirli işlərə imza atmışdır. BAFTA mükafatının laureatı və “Oskar” mükafatına namizəd olan aktyor daim məzmun və mənaya yönəlmiş layihələri seçməsi ilə tanınır. Ekrandan kənarda isə onun məna dolu hekayəçilik prinsiplərinə sadiqliyi və insanlarla səmimi ünsiyyətə verdiyi önəm Bvlgari Evinin baxışı ilə səsləşir. Bu baxışa görə, lüks yalnız zənginlik deyil, həm də ortaq dəyərlərin, başqalarına açıq olmağın və möhkəm insani əlaqələrin ifadəsidir.
“Ceyk müasir formada kamilliyi təcəssüm etdirir. Bu kamillik dürüstlük, empatiya və səmimilik üzərində qurulub”, deyə Bvlgari-nin baş direktorunun müavini və 1 iyul 2026-cı ildən etibarən Bvlgari-nin baş direktoru olacaq Laura Burdese qeyd edir. “Onun sənətə həssas yanaşması və insanlarla səmimi əlaqələr qurmaq bacarığı Bvlgari Evin mahiyyətini əks etdirir. O, gördüyü hər işə dərinlik, insanilik və məna qatır.”
“Mən həmişə Bvlgari-yə yaxınlıq hiss etmişəm, çünki bu Ev gözəlliyi məna ilə, yaradıcılığı isə hisslərlə birləşdirir. Evin yanaşmasında sənətkarlığa, mədəniyyətə və insan hekayələrinə xüsusi bir səxavət var və bu, mənim dəyərlərimlə çox səsləşir. Mənim anlayışıma görə, həqiqi səmimiyyətin arxasında bizim üçün dəyərli olan münasibətlər və insanlar, hamımızın birlikdə yaratdıqlarımıza sadiqlik və hər şeydən əvvəl isə özümüzə sədaqət dayanır”, deyə Ceyk Cillenhol bildirib.
