Stilini öz cəsarəti ilə formalaşdıran, risk almağı həyat tərzinə çevirmiş Fatimə Qənifəyevanın özünəməxsus dünyası ilə tanış olun. Heç nədən çəkinməyən bu moda ikonu hər bir geyimi bir macəra kimi qəbul edir, beləliklə, özünü ifadə etməyin ən uğurlu formasının stil vasitəsilə olduğunu sübut edir.
 |
 |
Geyim TOM FORD, qara qalstuk VALENTINO, çanta LOUIS VUITTON, çəkmələr GIANVITO ROSSI
Pencək ASOS, ağ köynək TOM FORD (kişi kolleksiyası), velosiped şortu and "Crop-Top" THE GIVING MOVEMENT, çəkmələr LOUBOUTIN, çanta STELLA MCCARTNEY
FATİMƏNİN HEKAYƏSİ
Mən əksər insanların gözündə qeyri-mümkün və ya kifayət qədər çətin görünən şeylərə cəhd etməyi sevən bir insanam. Ola bilsin ki, mən bunu əzmkar təbiətimə və ya fərqlənmək istəyimə borcluyam. Bir çox qadın öz qorxuları və ya mövcud olan stereotiplər səbəbilə özlərinin maksimum potensiallarını reallaşdıra bilmirlər.
*Köynək – “ZARA”, qara tül yubka – “ASOS”, pencək – “DREAM SEWING”, çəkmələr – “PRADA”, corablar – “PENTI”, çanta – “BALENCIAGA”
Mənim səyahətim verdiyim qətiyyətli bir qərarla başladı - tanımadığım bir ölkədə interyer dizaynı işi ilə məşğul olmaq, özümün tamamilə yeni bir versiyamı formalaşdırmaq üçün yola çıxdım. Bu yolda mən emosiyalarımı, inamımı və qorxularımı obrazlar və detallar vasitəsilə ifadə etməyi öyrəndim. Beləliklə, beynimdə məni ifadə edən obrazlar yaratmağa başladım. Tezliklə, bu konseptləri paylaşdığım bir bloq açdım, nəticədə bu bloq rezonans doğuraraq geniş bir auditoriyaya çatdı. Hər bir əsərdə müəyyən bir tərzə uyğun gəlməyən nüansları vurğulayan detallar həlledici rol oynayırdı.
İzləyicilərimlə ünsiyyət qurarkən anladım ki, hər bir qadının özünəməxsus bir cazibəsi mövcuddur, lakin bir çoxları mühakimə olunmaq və qınanmaq qorxusuna görə bunu reallaşdırmağa tərəddüd edir. Qadınlar üçün sloqanım belə olardı: "Özünüzü sevin və fərqlənin!" Risk etməyi öyrənin, yeni üfüqləri kəşf edin və artıq bağlandığını düşündüyünüz qapıları yenidən açın. Unutmayın, sizin stilinizi xüsusi edən nöqtə təkcə nə geyindiyiniz deyil, onu öz bədəninizdə nə qədər inamla daşımağınızdır, hansı ki, eyni zamanda sizi bir fərd olaraq da digərlərindən ayırır.
*Üst geyimi – “INTIMISSIMI”, şalvar – “SAGAZA”, ayaqqabı – “LOUBOUTIN”
"BİR NEÇƏ BRENDİ QARIŞDIRARAQ YENİ KOMBİNLƏR YARATMAQDAN, RƏNGLƏRLƏ VƏ PARÇA NÖVLƏRİ İLƏ OYNAMAQDAN ÇƏKİNMƏ. MODA ETİKETLƏRDƏN İBARƏT DEYİL, BU SƏNİN DAXİLİ DÜNYANDA FORMALAŞIR, BUNA GÖRƏ DƏ QƏLBİNİN SƏSİNİ DİNLƏ, O SƏNİ YANILTMAYACAQ!"
